Blåe
tonar under breen
Målsetjing
Musikkhelga "Blåe
tonar under breen" er
eit kulturarrangement med kvalitet. Som namnet seier er
det den blå musikken med røter frå folkemusikk
som skal vektleggast. Arrangementa skal fyrst og fremst
innehalde musikk, men andre kunstnarlege ytringar skal
også vektleggast.
Alt som blir presentert skal vere ekte og av høg
kvalitet.
Blåe
tonar... har
ikkje teke
mål av seg
til å bli stort.
Heller ikkje
vil du høyre
ordet "festival"
om Blåe
tonar... Arrangementa
skal vere små
og intime,
men kvaliteten
skal vere tvillaus
og merkbar. Vår
vesle del av
verda har musikalske
røter som me
er stolte av,
og me skal
vise at det
finst slektskap
mellom musikalske
røter frå ulike
stader.
Musikkhelga "Blåe
tonar under breen" har
komme i stand ut frå respekt og glede over
songarven etter Ragnar Vigdal (1913-1991). Sogn og
Fjordane Folkemusikklag har skipa til fleire sokalla
Vigdal-symposium, der Vigdal sin song har vorte studert
og lært vidare. "Blåe
tonar under breen" vil ta Vigdal sin musikk
vidare, og vise at det er slektskap mellom ulike
musikalske ytringar.
Ragnar Vigdal voks
opp i Vigdalen,
ein sidedal
til Jostedalen.
Tradisjonen frå Hans Nielsen Hauge og Haugerørsla
stod sterkt i bygda, og såleis fekk han Ragnar
lære
hundrevis av gamle religiøse folketonar
frå foreldra
sine, Klaus og Anna Vigdal. Som mest all anna folkesong,
er songstilen frå Vigdalen merkt av ei mjuk
og bøyeleg
melodiline, med glidetonar, krullar og ekstra sløyfer
i tonen - ein tonalitet som ikkje utan vidare kan
passast inn i eit klassisk akkordsystem. Sermerkt
for songstilen til Ragnar Vigdal var at tonane
hadde serleg mykje utsmykking. Hjå han har
ei tekststaving kanskje både fire
og fem tonetrinn, noko han sjølv kalla krull,
trinn eller bøyning. Ragnar Vigdal er noko
av det mest internasjonale me har, oppsummerte
Sondre Bratland etter symposiet i 2002. - Eg har
høyrt tonane hans både
i jødiske synagoger og på indiske
gater. Kanskje det er eit døme på at
nett det lokale og provinsielle er det ekte universelle?
spurde Bratland til sist.
- Han Ragnar sa sjølv
at han ofte tok nasen
til hjelp for å få til
dei 'skeive' mellomtonane,
fortalde Asbjørg
Ormberg med ei illustrerande
naseskrukke midt i
dei rikaste krullane.
Ho la til at desse
skeive tonane kan gjere
det vanskeleg å få fat
på om melodien
går i dur eller
moll - der somme høyrer
molltonar, tykkjer
andre at det går
i dur. Og det er no
med på å gjere
det så vent.
Sermerket
for musikkhelga "Blåe
tonar under breen" skal
vere ekte musikk. Musikk
med røter hos
vanlege folk.
Organisasjon
Dei
som har teke initiativet
og står bak arrangørfellesskapet
er Absolute Blues og
Erling Vigdal, Jostedal
Hotell, Breheimsenteret,
Jostedal Spel- og dansarlag,
Jostedal bygdelag og
Sogn og Fjordane Folkemusikklag.
Hovudelement
"Blåe
tonar under breen" skal
ha eitt stort arrangement
kvart år i slutten
av august, pluss eit
litt mindre på seinvinter.
Arrangementet skal
innehalde flest mogeleg
av desse elementa:
- ungdomsmønstring: Unge
musikarar slepp til
fredag kveld, gjerne
saman med etablerte
og kjende.
- Vigdalkonsert: Tradisjonell tolking
møter
nye musikalske uttrykk
- stort
kveldsarrangement: dei beste musikarane
som er råd å få tak
i, og som passar
inn
- kurs
i Vigdal sin songkunst: nye songarar får
innføring
i tradisjonenk
- kurs:
unge får
lære av dei
erfarne
- populærførelesingar: gjerne om musikktradisjonar
- utstillingar: ulike aktuelle
kunstutstillingar
|